Íslensk ofurfæða í nýjum búningi

Þetta er skyr með sögu

Skyr hefur fylgt Íslendingum í meira en 1100 ár. Það kom með fyrstu landnámsmönnunum, festi rætur í íslenskri matarmenningu og varð ein af þeim vörum sem þjóðin hefur treyst á kynslóð eftir kynslóð.

Á meðan kunnátta í skyrgerð hvarf víða annars staðar á Norðurlöndum lifði hún áfram hér á landi. Á íslenskum sveitabæjum var skyrgerð hluti af daglegu lífi og þekkingin gekk áfram milli kynslóða og oft frá móður til dóttur. Þannig varðveittist einstök hefð sem er enn hluti af því sem gerir skyr að alvöru íslenskri ofurfæðu.

Seinna færðist skyrgerðin úr torfbæjum og heimilum inn í mjólkurbú landsins. Þar tók við nýr kafli í sögunni, með meiri þekkingu, betri framleiðsluaðferðum og þeirri gæðum sem íslenskur mjólkuriðnaður byggir á í dag.

Ísey skyr byggir á þessari sögu.

Bragð fyrir daginn í dag

Á Ísey Skyr Bar tökum við þessa íslensku hefð og færum hana nær nútímanum. Setjum saman skálar og boost svo það passi inn í daginn þinn, hvort sem þú ert á leið í vinnuna, eftir æfingu, í hádegispásu eða langar einfaldlega í eitthvað gott.

Ísey skyr er grunnurinn okkar. Svo byggjum við ofan á það með öllu því sem gerir skálina, boozt-ið eða bitann bæði girnilegan og nærandi: ferskum ávöxtum, berjum, granóla, hnetusmjöri, súkkulaði, próteini og fleiri góðum hráefnum sem gefa bragð, áferð og góða orku.

Útkoman er skyr í nýjum búningi. Ekki flókið, ekki tilgerðarlegt, bara ferskt og bragðgott. Íslensk hefð sem þú getur gripið með þér, notið í rólegheitum eða fengið þér þegar dagurinn þarf aðeins meira af góðu.